Comme a nu' carcerato

Ma c'haggio fatte 'e male
ca me tiene priggiuniero,
ca martiello 'stu penziero
senza farte maje vede?....
Chesta casa è tale e quale
a nu carcere pe' me!

Comme a nu carcerato,
che aspetta 'a libertà
'stu core mio malato
è stanco ' t'aspettà!
E soffre, e canta 'e jorne
da che lle si mancata,
e pare ch'è passata
'na vita a te chiammà....
....comme a nu carcerato
si chiamma 'a libbertà

.....e tu, senza catene....
cchiù m'astrigne 'o core e 'e mane...
Vuò penzà ca nu dimane
jesce o' core a libbertà?....
E se pò scurdà 'e stu bene
ca m'accide e fa campà

Comme a nu carcerato,
che aspetta 'a libertà
'stu core mio malato
è stanco ' t'aspettà!
E soffre, e canta 'e jorne
da che lle si mancata,
e pare ch'è passata
'na vita a te chiammà....
....comme a nu carcerato
si chiamma 'a libbertà